जय देवी जय देवी जयं माये तुळशी ।
निजपत्राहुनि लघुतर त्रिभुवन हें तुळशी ।। धृ०।।
ब्रह्मा केवळ मूळीं मध्यें तो शौरी ।
अग्र शंकर तीर्थे शाखापरिवारीं ।
सेवा करिती भावें सकळही नरनारी ।
दर्शनमात्रें पापें हरती निर्धारीं ।।
जय देव जय देवी ।।१।।
शीतळ छाया भूतळ व्यापक तूं कैसी ।
मंजरीची आवड कमलारमणासी ।
तव दलविरहित विष्णू राहे उपवासी ।
विशेष महिमा तुझा शुभ कार्तिकमासीं ।।
जय देवी जय देवी।। २ ।।
अच्युत माधव केशव पीतांबरधारी ।
तुझे पूजनकाळीं जो हे उच्चारी।
त्यासी देसी संतिति संपत्ति सुखकारी ।
गोसावीसुत विनवी मजला तूं तारी ।।
जय देवी जय देवी ।।३।।
No comments:
Post a Comment