हातीं मोदक लाडू घेऊनियां खासी ॥
भक्तांचे संकटी धांवूनि पावसी ॥
दास विनविती तुझिया चरणांसी ॥१॥
जय देव जय देव जय गणराजा ॥
सकळ देवाआधी तूं देव माझा ॥धृ॥
भाद्रपदमासी होसी तूं भोळा ॥
आरक्त पुष्पांच्या घालुनियां माळा ॥
कपाळि लावूंनी कस्तुरी टिळा ||
तेणे तु दिससी सांवळा माळा||
जय देव जय देव जय गणराजा ॥
सकळ देवाआधी तूं देव माझा ||२||
प्रदोषाचे दिवशीं चंद्र शापिला ॥
समयीं देवें मोठा आकांत केला ॥
इंदू येवोनी चरणीं लागला ॥
श्रीरामा बहुत शाप दिधला ॥
जय देव जय देव जय गणराजा ॥
सकळ देवाआधीं तूं देव माझा ॥३॥
पार्वतीच्या सुता तुं ये गणनाथा ॥
नेत्र शिणले तुझी वाट पाहतां ॥
किती अंत पाहसी बां विघ्नहर्ता ॥
मजला बुद्धि देई तूं गणनाथा ॥
जय देव जय देव जय गणराजा ॥
सकळ देवाआधीं तू देव माझा ॥४॥
No comments:
Post a Comment