तूं सुखकर्ता तूं दुखहर्ता विघ्नविनाशक मोरया

तूं सुखकर्ता तूं दुखहर्ता विघ्नविनाशक मोरया ।

संकटीं रक्षी शरण तुला मी, गणपतीबप्पा मोरया ||धृ||

मंगलमूर्ती तूं गणनायक, वक्रतुंड तू सिद्धीविनायक |

तुझिया दारी आज पातलों, नेईं स्थितिप्रति राया ॥१॥

तू सकलांचा भाग्यविधाता, तू विद्येचा स्वामी दाता ।

ज्ञानदीप उजळून आमुचा, निमवी नैराश्याला ||२||

तू माता, तू पिता जगीं या, ज्ञाता तू सर्वस्व जगीं या ।

पामर मी स्वर उणे भासती, तुझी आरती गाया ॥३॥

मंगलमूर्ती मोरया । गणपती बाप्पा मोरया ॥